Тэмцээний шөвгийн 16-д оролцох теннисчид тодорчээ. Шилдгүүдээс Сербийн Новак Жокович, Швейцарийн Рожер Федерер, Чехийн Томаш Бердых, Аргентиний Хуан Мартин дел Потро нарын шилдгүүд шалгараад байгаа бол тус тэмцээний тавд эрэмбэлэгдсэн Францын Жо-Вильфред Цонга тэмцээнийг цааш үргэлжлүүлж чадсангүй. Цонга нэг цаг 20 минут үргэлжилсэн тоглолтод нутагт нэгт Михайль Ллодрад 6:7, 2:6-ийн харьцаагаар ялагдал хүлээжээ. Цонгаг буулган авсан Ллодрад ATP-ийн чансааны 67-д бичигдэж буй бөгөөд дараагийн тойрогт ОХУ-ын Дмитрий Турсуновтой оноолт таарсан байна.

Харин дэлхийн манлай теннисчин Сербийн Новак Жокович дүүгийн хамт хосын төрөлд оролцсон ч ОХУ-ын Давендонко, Германы Дик Норман нарын хослолд 6:4, 3:6, 4-10-аар ялагдсан байна.