Анх 2010 оны аравдугаар сараас эхлэн олны хүртээл болсон Instagram үйлчилгээний хэрэглэгчдийн тоо 100 саяд хүрлээ. “Бид гэрэл зургийг хамгийн амархан янзалж, басхүү хоорондоо харилцах нэгэн хэрэгсэл болгохын тулд энэ үйлчилгээг гаргасан. Одоо дэлхий даяар энэ үйлчилгээний сайхныг мэдрээд, найз нөхөд хоорондоо зураг солилцож байна. Энэ бол бодит байдал. Харин илүү сайжруулах боломжийг бид хайж байна” гэж Instagram-ыг үндэслэгч Кевин Систром ярьжээ.

Одоогийн байдлаар Instagram-ыг нэг тэрбум ам.доллараар үнэлж байгаа юм. Андройд систем болон IOS системд тулгуурлан зохион бүтээсэн энэ үйлчилгээг фейсбүүк хэрэглэгчид голчлон ашигладаг билээ. Оны эхнээс буюу нэгдүгээр сараас энэхүү үйлчилгээг Blackberry компаний ухаалаг утаснууд ч ашиглаж болохоор болсон юм. Саяхан явуулсан судалгаагаар тус үйлчилгээг хэрэглэгчдийн тоо сард нэг саяар нэмэгддэг болохыг тогтоожээ.

Хэрвээ энэ байдлаараа байвал хоёр жилийн дараа тус үйлчилгээний дэлхийн сервер дүүрэх бөгөөд дахин шинэ үйлчилгээг зохиох хэрэгтэй болох юм.