Даамын өсвөр, залуучууд, насанд хүрэгчдийн улсын аварга шалгаруулах тэмцээн гуравдугаар сарын 1-3-ны хооронд “Хос мастер” шатрын академийн байранд болно. Өсвөрийн эрэгтэй, эмэгтэй 5-7, 8-10, 11-13, 14-16 болон залуучуудын 17-19 насны ангилалаар явагдаж аваргуудаа тодруулах ажээ. Харин насанд хүрэгчдийн тэмцээнд эхний наймд шалгарсан даамчид ирэх тавдугаар сард болох шигшээ тэмцээнд оролцох эрхийг авах юм.

Мөн Франц улсын Канн хотод ОУ-ын оюуны спортын фестивал гуравдугаар сарын 1-3-ны хооронд үргэлжлэх бөгөөд тус тэмцээний 100 буудалт даамын төрөлд спортын мастер Д.Баттулга, спортын мастер Д.Эрдэмбилэг нар оролцох ажээ. Тус тэмцээн 100 буудалт даам, шатар, го даам, рубикийн шоо, судоку зэрэг оюуны спортын 26 төрлөөр дэлхийн олон орны тамирчид өрсөлдөх юм.