-Иргэдийн дуу хоолойг сонсох зорилгоор Засгийн газраас байгуулсан 11-11 төвд эрүүл мэндтэй холбоотой санал, хүсэлт давамгайланиржбайгааюм байна. Үүнийгиргэд эрүүл мэнддээ ихээхэн анхаардаг болсонтой холбоотой гэж үзэж болох уу?

-Шинэчлэлийн Засгийн газрын иргэд рүүгээ чиглэсэн олон талт арга хэмжээний нэг болсон 11-11 төвийг 2012 оны аравдугаар сараасажиллуулж эхэлсэн. Энэ хугацаанд Эрүүл мэндийн яамны 11-11 төвийнхөниргэдээс1350 санал хүлээн авч 1300 буюу 96,3 хувьд ньхариу өгөөд байна. Холбогдох хууль тогтоомжийг тайлбарлах, эрүүл мэндийн зөвлөгөө зөвлөмж өгөх, эмнэлэгтэй холбоотой гарсан гомдлыг бүрэн шийдвэрлэх зэргээр ажиллалаа. Үлдсэн дөрөворчим хувийн саналыг шийдвэрлэх шатанд явж байгаа. Саналд хариулж буй үзүүлэлт, жагсаалтыг Засгийн газрын 11-11 төвийнхөн гаргадаг.Эрүүл мэндийн салбар иргэдийн саналд хариулах байдлаараа тэргүүлэх эгнээнд явж байгаагбид эрүүл мэндийн салбарт хийж буй шинэчлэл, салбарын удирдах байгуулллагын зүгээс өвчтөн, үйлчлүүлэгчдэд хариуцлагатай хандан ажиллаж байгаагийн нэг илрэл хэмээн харж байна.

-11-11 төв нээгдсэнийгиргэд талархалтай хүлээн авч, төрийн байгууллагуудын ажлын эрчимжүүлэхэд дуу хоолойгоо илэрхийлэх болсон.Танай салбартай холбоотой ямар санал, хүсэлт илүү давамгай ирж байгаа вэ?

-Саналуудаас авч үзвэл дотоод, гадаадад эмчлүүлэх эмчилгээний зардал хүссэн, сайд дарга нартай уулзах хүсэлт,эмчилгээний төлбөрөөс чөлөөлж өгөхийг хүссэн, ажилд орох,чөлөөлөгдөх,шагнуулах, эрүүл мэндийн тухай хуульд заасан тэтгэмж авахыг хүссэн гэх мэтчилэн санал илүү ирдэг. Гомдол, шүүмжлэлийн хувьд тусламж, үйлчилгээний чанартай холбоотой эмнэлгүүдийн ор хоногийн хүлээгдэл, ажлын цаг ашиглалт, эмч, ажилтнуудын харилцаа хандлага, эмнэлгийн удирдлагуудтай холбоотой болон бодлого шинэчлэлийн асуудлууд зонхилж байна.Өнгөрсөн 2012 оны саналыг дүгнэхэд ирсэн мэдээллийн 30 хувь нь Нийслэлийн эрүүл мэндийн газар, түүний харьяа байгууллагуудтай холбоотой байсан. Тиймээс НЭМГ, Нийслэлийн Засаг даргын Тамгын газартай хамтран “Улаанбаатар сонсч байна” лавлагаат мэдээллийн төв 12-00, иргэдэд үйлчлэх 12-34 төвүүд рүү нийслэлтэй холбоотой асуудлыг 11-11 төвөөс шууд шилжүүлж шийдвэрлэдэг болсон. Мөн зарим асуудлыг эмнэлгүүдийн чанарын менежерүүдтэй холбогдож шийдвэрлэж байна.

-Эмнэлэг, эмч нартай холбоотой гомдол илүү ихээр сонсогддог. Талархлын үгч мөн ирдэг байх даа?

-Иргэд маань эмч нартаа баярласан сэтгэлээ илэрхийлэхдээ тааруухан юм уу гэж анзаарагдсан. Өдөрт хэдэн мянган хүн эмч нарын ачаар эрүүл саруул болж эмнэлгээс гарч байгаа хэдий ч талархсан сэтгэлээ утсаар дамжуулж хэлдэггүй. Манай төв дан ганц санал, гомдол авдаггүй, талархлыг ч мөн хүлээн авдаг. Талархлын үгээр шагнуулсан хүмүүсээ яамныхаа сайтад байршуулан алдаршуулдаг. Саяхан гэхэд л Баянхонгор аймагт эмнэлгийн ажилтны хайхрамжгүй байдлаас болж түлэгдсэн нярайн гэр бүлийнхэн хүүхдэд нь цаг алдалгүй, хурдан шуурхай арга хэмжээ авч бүрэн эдгээж, эмчилж өгсөнд талархсан сэтгэлээ ирүүлсэн байгаа.

Ер ньэрүүл мэндийн салбартай холбоотой асуудлууд шил даран гарч байгаа мэт харагдаж байгаа нь зарим нь хэт туйлширч, ташаа мэдээлэл цацсанаас үүдэлтэй, иргэдэд эрүүл мэндийн салбарын үнэн бодит мэдээлэл хомс очих болсон. Энэ байдал нь салбарын нэр хүндэд сөрөг нөлөө үзүүлж байгаад харамсдаг. Хамгийн үнэн зөв мэдээллийг мэргэжлийн хүн нь л өгнө. Тийм болохоор иргэд санал хүсэлтээ шууд мэргэжлийн хүнд өгч байх хэрэгтэй юм.

-11-11 төв иргэдийн санал, гомдлыг ямар журмаар шийдвэрлэдэг вэ.Иргэдийн өгсөн санал, гомдлыг орхигдуулах тал гардаг болов уу?

-Иргэд санал, хүсэлтээ вэб сайт, фэйсбүүк, твиттер, и-мэйл зэрэг 10 сувгаарил тод ирүүлдэг. Төв бүрэн автоматжуулсан систем ашигладаг тул орхигдох, гээгдэх асуудал гардаггүй. Төрийн байгууллагад ирсэн иргэдийн санал гомдлыг хуулийн хүрээнд 30 хоногийн дотор бүрэн шийдвэрлэх, шаардлагатай тохиолдолд хугацааг сунгах журамтай. Эрүүл мэндийн чиглэлээр 11-11 төвд ирүүлсэн иргэдийн санал нэг бүрт ялгалт хийж, хяналтын карт боловсруулж яамны газар, хэлтсүүд болон харьяа байгууллагуудад мэдэгдэн шалгуулдаг. Хариуг нэгээс долоо хоногийн дотор өгөхөөс гадна зарим гомдол, шүүмжлэлийг шууд цаг тухайд нь хурдан шуурхай барагдуулдаг.Нэг асуудлын цаана хэдэн гэр бүл, хүний амь настай холбоотой асуудал хүлээгдэж байгаа билээ гэдгийг бид ойлгодог. Ирүүлсэн саналуудыг долоо хоног бүрийн баасан гаригт сайд, дэд сайд, төрийн нарийн бичгийн дарга нарт мэдээлж яамны бодлогын зөвлөмж боловсруулахадоруулж байгаа.

-Засгийн газрын11-11 төвөөр иргэдийн саналыг авахаас гадна танай яамны 323002 утас идэвхтэй ажилладаг юм байна.ЭМЯ иргэдийн дуу хоолойг сонсох ямар ажлыг сүүлийн үедхэрэгжүүлж байгаа вэ?

-Эрүүл мэндийн сайдын санал, санаачлагаар иргэдийнхээ дуу хоолойг илүү ойрхон сонсох үүднээс харьяа эмнэлгүүдэд иргэдээ сонсох цэг ажиллуулан иргэдийн санал, хүсэлтийг авлаа. Мөн яамны нэрийн хуудсыг хэвлүүлж эмчлүүлж буй иргэдэд өгч байна. Нээлттэй утас 323002, ЭМЯ-ны www.moh.mnсайтаар санал асуулга явуулж иргэдийн санал, хүсэлтийг сонсож ажиллаж байгаа. Иргэд ч энэхүү санаачлагыг нааштай хүлээн авч байна.

Үүний зэрэгцээ “Эрүүл мэндэд иргэн таны оролцоо” сэдэвт Эрүүл мэндийн нээлттэй хэлэлцүүлгийг 21 аймаг, нийслэлийн есөн дүүрэгт зохион байгуулахаар төлөвлөж,одоогоор Баянзүрх, Сонгинохайрхан дүүргүүдэд хийгээд байна. Иргэдийн үнэтэй санал эрүүл мэндийн салбарт оруулах томоохон хувь нэмэр болдог тул эрүүл мэндийн салбартай холбоотой шинэчлэлд оруулах саналуудааЭМЯ-нд хандан өгөх бүрэн боломжтой.