Н.Энхбаярыг баривчлах үеэр цагдаагийн ажилтнуудын өөдөөс салаавч гаргасан хэрэгт буруутгагдаад байгаа УИХ-ын гишүүн асан Ц.Шинэбаярын хэргийг түүний өмгөөлөгчийн гомдлын дагуу өнөөдөр Нийслэлийн шүүх хэлэлцээд, анхан шатны шүүхээс оноосон нэг жилийн тэнсэн харгалзах ялыг хэвээр үлдээлээ. Ц.Шинэбаярыг Хан-Уул дүүргийн шүүхэд өнгөрсөн нэгдүгээр сарын 16-нд шүүж, төрийн албан хаагчийг хуулиар хүлээсэн үүргээ гүйцэтгэж байхад нь хүч хэрэглэн эсэргүүцсэн буюу хүч хэрэглэхээр заналхийлсэн гэх  үндэслэлээр нэг жилийн тэнсэн харгалзах ял оногдуулсан юм.