Төв
аймгийн Бүрэн сумынхан шинийн 14-ний билэгт сайн өдөр буюу өчигдөр
Гандантэгчинлэн хий­дийн сургуулийн зааланд цу­гаараа цуглаж золголтоо
хий­лээ. Бүрэн сумаас төрөн гарсан найргийн ноён оргил уулс болох
Д.Цоодол, Б.Лхагвасүрэн нар Бүрэнгийнхэн. Нутгийнхаа зол­гол­тод
Д.Цоодол, Б.Лхагва­сүрэн  нар гадагш, дотогш ажилтай явсан тул хүрэлцэн
ирж амжсангүй, утсаар мэнд мэдэж байна гэдгээ дуулгажээ. Бүрэн сумынхан
Гандан хийдэд золгож буй нь тун утга учиртай. Учир нь Монголын бурхан
шашинтны төвийн тэргүүн Б.Чойжамц хамба мөн л Бүрэн сумын унаган хүн.

Тий­мээс
нутгийн зон олон билигт сайн өдрийг сонгон ерөөл дэмбэрэлийг харж
бур­хан шашныхаа төвд, Чой хамбаа бараадан сумынхаа золгол­тоо хийж буй
нь энэ. Нутгийн олон өнгөтэй дээ­лээ­рээ ган­гарч хавь ойрд уулзаа­гүй
нэгэнтэйгээ уулзан буй­даа тун их баяртай байгаа нь илэрхий. Бүрэнгээс
төрсөн Ардын жүжигчин Ц.Уртнасан, Ардын жүжигчин А.Очирбат буюу
“Итгэлт”, уртын дууч СУИС-ийн багш Ц.Дашцэр­мээ, сум нэгдлийн дарга асан
Хөдөлмөрийн баатар Г.Бат­мөнх, Худалдаа бэлтгэ­лийн яамны орлогч  сайд
асан Ц.Намс­рай, Гандангийн дэд хамба Ө.Жаамаа, онц тээвэр­чин
Д.Чойжил,  улсын аварга малчин Ц.Ширчин, өндөрнастан Сандагжав, Бүрэн
сумын Засаг дарга Д.Эрдэнээ, сумын нутгийн зөвлөлийн гүйцэтгэх захирал
хурандаа А.Дамбаржараа нарын хү­мүүс хоймрын суудалд тухал­жээ.
Золголтын салхийг нут­гийн олон Б.Чойжамц хамбад алд цэнхэр хадгаа
барьсаар эхлүүлэв. Төв аймгийн 90 жилийн ойн арга хэмжээ энэ зун тохиох
гэж байгаа аж. Төрж өссөн нутаг Төхөмийн нуурын хөвөөндөө нутгийн­хаа
олныг урьж байна шүү гэдгээ сумын Засаг дарга Д.Эрдэнээ индэр дээ­рээс
албан ёсоор дуулгасан. Чой хамба “Бүрэн сумынхан нут­гарх­даггүй. Гэхдээ
нэгнээ­сээ холддоггүй эртнээсээ ажил хөдөлмөрт дуртай ажил­саг ард
түмэн” гэдгийг хэлж байв. Тэрбээр бэлгэ дэмбэ­рэл­тэй сайхан өдөр
нутгийн зон ол­ныг Гандан хийдэд морилон ирж золголт хийж байгаа нь
сайхан үйл явдал болж бай­на. Монголын түүхт ёс занш­лыг сэргээдэг
цагаан сар мон­гол дээлээ өмсч амар мэндээ мэдэж, хөөргөө зө­рүүл­дэг
сайхан баяр юм гэд­гийг он­цол­сон. Монголчууд хэзээ­нээс бурхны
шашинтай байж ирсэн. Коммунизмын 70 жилд шашныг үгүйсгэж бай­сан ч манай
Бүрэн суманд шаш­ныг дээдлэх нь харьцан­гүй хэвээр байсан. Аз таарсан
уу комму­низмын үед учир­сан дарга нар шашинтай  сайхан хү­мүүс байсан.
Бурх­ны шашинд зааснаар жар­гал, зовлонгийн хамаг шалт­гаан өөрт чинь
бий. Там, диваажин  ч өөрт чинь бий. Бие, хэл, сэтгэл гурваар хүн­тэй
зөв сайхан харилцаатай байхад аз жар­гал, диваажин дэргэд чинь бий.
Дээхнэ үеийн улсуу­дыг хараарай. Нэгнээ ямар сай­хан хүндэлж харьцдаг
бай­лаа. Залуучууд та бүхэн өөрийн жаргалыг өөрийнгараар бүтээгээрэй
гэдгийг Чой хамба сургаад нутгийн хуран цугларсан олонд унш­лага уншиж
эд буяныг дуудаж даллага авсан юм. Золголтыг зохион бай­гуулж буй
А.Дам­ба­даржаа “Чой багшдаа их баярлалаа. Бүтэн заяатай Бүрэн сумын­хан
аз жаргал дүүрэн ажил хөдөлмөр ар­вин­­тай байх болно” гэдгийг хэлэв.
Үүний дараа Гадаад харилцааны яамны Консу­лын газрын дарга, Хууль зүйн
ухааны доктор Ш.Сүхбаа­тар хаврын тэргүүн сарын ши­нийн 14-ний билэгт
сайн өд­рийн мэндийг нутгийн олон­доо хүргээд  “Бү­рэн сумынхан амны
хи­шиг, заяа буянтай ард түмэн. Мон­го­лын бурхны шаш­ны тэргүүн
хам­бын­хаа шинийн 14-ний их хуралд хэсэг хуга­цаанд ч болов нут­гийн
бид сууж адис жанлавыг нь хүрт­лээ. Сумын золголтыг цаашид жил бүр
зохион бай­гуулж нутаг орных­ныгоо уул­зуулж байя гэсэн бодол төрж
байна. Өнөөд­рийн арга хэм­жээ золголт их сайхан болж байна. Миний бие
хэдэн нөх­дийн хамт са­наа­члан “Бүрэн хөгжил” сан байгуулсан. Энэ
хүрээнд нут­гийн залуу­чуудын дунд уул­залт хийж сурлагаа­раа тэр­гүүлж
буй шил­дэг сайн 15 оюутныг шагнаж урам­­шуу­лахаар бол­сон. “Бү­рэн
хөгжил” сангийн­хаа хү­рээнд ХБНГУ-ын Бурен хот­той урьд­ны шифийн
ха­рил­цааг сэр­гээж  герман­чууд­тайгаа холбогдож байгаа. Бүрэн суманд
энэ жил 75 хүүх­дийн баг­таамжтай цэцэр­лэг шинээр баригдсан­тай
холбог­дуулан Боловсрол шинжлэх ухааны яамнаас цэцэрлэгийн гал зуух
болон хүүхдийн ор дэвсгэрийг ший­дэж өгөхөөр болсон. Одоо Германы Элчин
сайдын яаманд хүсэлт гаргаж Бүрэн сумын дотуур байранд  ком­пью­терийн
төв байгуу­ла­хаар ярилцаж байна. Шан­хай­гаас жижиг дунд үйлдвэ­рийг
дэм­жих төсөл хэрэгжүү­лэх зэрэг олон ажлыг са­наачилж буй нь ну­таг
орны­хондоо бага ч бо­лов гэсэн тус нэмэр болох гэсэн сэтгэлээс үүдэлтэй
юм шүү. “Бүрэн хөг­жил” сангийн­хаа хүрээнд Япо­­ны Элчин сай­дын
яаманд хамтран ажил­лах хүсэлт мөн гаргасан” хэ­мээлээ. Үүний дараа
Бүрэн сумынхан нут­гийн зол­голтод хүрэлцэн ир­сэн өндөр наст­нууддаа
га­рын бэлэг гар­дуулж хүндэтгэл үзүүлсэн юм. СУИС-ийн багш, уртын дууч
Ц.Даш­цэрмаа  “Уяхан замбуу тивийн наран” дуу­гаар ая эг­шиг өргөн барьж
нутгийн ол­ны сонорыг мя­лаас­наар зол­голтын албан ёсны хөтөл­бөр
дуусав. Бүрэн сумынхан Мон­го­лын бурхан шашны төвдөө цуг­лаж усан могой
хэмээх жил­дээ Монго­лын зон олон төр­лөөрөө түв­шин амга­лан, ургаараа
улам олон болж сайхан бүхний үүдийг нээх ерөөлийг талбив.