Монголын хөлбөмбөгийн шигшээ багийнхан “Challenge cup” тэмцээний өмнөх эхний нөхөрсөг тоглолтоо хийжээ. Лаосын лигийн багтай хийсэн тоглолтод манай шигшээгийнхэн 1:0-ээр хожигдсон байна. Тэд өнөөдөр хоёр дахь багтайгаа нөхөрсөг тоглолтоо хийх юм. “Нутгийн багтай хийсэн эхний тоглолт бидний хувьд том туршлага боллоо. Орчин их нөлөөлж байна. Тиймээс тэмцээн болтол орчиндоо сайн дасан зохицох хэрэгтэй байгаа учраас бид нэлээд шахуу бэлтгэл хийж байна. Ямар ч байсан сайн тоглоно” хэмээн Лаосоос мэдээ ирүүлжээ.