Италийн “Сери А”-гийн хамгийн агуу түүхтэй “АС Милан” болон “Интер Милан” багуудын дерби тоглолт Улаанбаатарын цагаар өнөө шөнө болно. 100 гаруй жилийн дербигийн түүхтэй энэ хоёр баг өдий хүртэл дундаа нэг талбайтай бөгөөд өнөө шөнө 03:45 цагаас Милан хотын Жузеппе Меаццагийн нэрэмжит “Сан Сиро” цэнгэлдэхэд тоглоно. Энэхүү хоёр багийн тоглолтыг “Страчитаддина” буюу нэг хотын хоёр багийн ширүүн тэмцэлдээн гэж нэрлэх бий.  

Италийн “Сери А”-гийн 25 тойргийн дараах байдлаар “АС Милан” 44 оноотойгоор гуравдугаар байрт, “Интер” 43 оноотой тавдугаар байрт бичигдэж байна. Тэгэхээр өнөө шөнийн тоглолт нэр төрийн төлөө, мөн аль баг нь оноогоор илүү гарахын төлөөх ширүүн өрсөлдөөнөөр дүүрэн болно.