3,572.88
МИАТ компанийн Техникийн албаны дарга асан Ё.Энхтөртэй холбогдон үүссэн нөхцөл байдлын талаар тодрууллаа.-Танай албаныхан яагаад ажил хаях болов?
-Бид ажлаа шударга, нэр төртэй, үнэнчээр хийж байсан. Гэтэл өчигдөр ТӨХ-ны дарга Д.Сугар намайг болон техникийн албаны менежерийг ажлаас халах шийдвэр гаргасан. Өөрсдийн хууль бус ажлаа нуун дарагдуулахын тулд онгоц барьцаалсан гэсэн мэдээлэл тарааж байна. Бид шударга шийдвэр гаргахыг л шаардсан.
-Та бүхэн эсэргүүцлээ өөрөөр илэрхийлж болохгүй гэж үү. Олон улсын нислэг саатаад байна. Та бүхнийг түлхүүр аваад зугтсан гэсэн мэдээлэл тархаад байна?
-Юуны түлхүүр хаашаа авч зугтсан гэж. Тийм зүйл байхгүй. Хариуцлага тооцож байгаа бол адил л байх ёстой.
-Танай техникийн хэлтсийн олон хүн ажлаас гарах өргөдлөө өглөө гэсэн мэдээлэл ирлээ?
-Манай хэлтэс нийт 120 орчим техникч болон засварчинтай. Одоогийн байдлаар 94 хүн ажлаас халагдах өргөдлөө өглөө. Шударга шийдвэр гаргасан бол энэ олон хүн ингэж ажлаа орхихгүй байсан.
Х.Хангал
