Digital Policy Council /DPC/-ээс 2012 оны арванхоёрдугаар сард улс орнуудын удирдагчдын твиттер дэх эрэмбийг харуулсан сонирхолтой судалгаа гаргажээ.

АНУ-ын Ерөнхийлөгч Барак Обама хамгийн шилдэг твиттерчин Төрийн тэргүүнээр шалгарсан байна. Твиттер дэх топ 10 Төрийн тэргүүнийг танилцуулбал:

1. АНУ-ын Ерөнхийлөгч Барак Обама
2. Венесуэлийн Ерөнхийлөгч Уго Чавес
3. Туркийн Ерөнхийлөгч Абдулла Гюль
4. Иорданы хатан хаан Рания
5. ОХУ-ын Ерөнхийлөгч Дмитрий Медведев
6. Бразилийн Ерөнхийлөгч Дилма Руссефф
7. Аргентины Ерөнхийлөгч Кристина Фернандес де Киршнер
8. Колумбын Ерөнхийлөгч Хуан Мануэль Сантос
9. Мексикийн Ерөнхийлөгч Энрике Пена Ньето
10. Арабын нэгдсэн Эмирт улсын дэд Ерөнхийлөгч, Ерөнхий сайд бөгөөд Дубайн захирагч Шейх Мухаммед бин Рашид Аль-Мактум нар оржээ

Манай идэвхтэй жиргээчдийн нэг, Монгол Улсын Ерөнхийлөгч Ц.Элбэгдорж хаана явааг сонирхвол уг жагсаалтын 49-д эрэмбэлэгдсэн байна. Уг жагсаалтыг гаргах үед буюу хоёр сарын өмнө Монгол Улсын Ерөнхийлөгчийн @elbegdorj хаягийн дагагчийн тоо 36928 байсан бол одоо 48541 дагагчтай болж нэмэгджээ.

Түүгээр барахгүй Ерөнхийлөгч твиттер хаяг буюу “verified account-“аа баталгаажуулаад байгаа бөгөөд хаяг баталгаажсанаас хойш хайлт хийсэн болон дагагчдын тоо эрс өсөөд байгаа аж.

Дашрамд сонирхуулахад, жирийн хүмүүс “verified account-“аа баталгаажуулахад багагүй төлбөр төлдөг бол аль ч улс орны Төрийн тэргүүний твиттер хаягийг баталгаажуулахад төлбөр авдаггүй юм байна.