Дорноговь аймгийн Замын-Үүд сум дахь Хадгаламж банкны салбараас гурван сая төгрөг дээрэмдсэн хэрэг энэ сарын 3-нд гарсан. Энэхүү хэрэгт Замын-Үүдийн цагдаагийн хэлтсээс 30 орчим насны эмэгтэйг сэжиглэн, саатуулан байцааж эхэлсэн. Мөрдөн байцаалтын явцын талаар тус цагдаагийн хэлтсийн эх сурвалжаас тoдруулахад “Банк дээрэмдсэн байж магадгүй гэж сэжиглэн нэг эмэгтэйг мөрдөн байцааж, мэдүүлэг авч эхэлсэн. Гэхдээ цагдан хориогүй. Банк дээрэмдсэн сэжигтнийг сулласан гэх мэдээлэл ташаа” гэв.

Дашрамд дээрмийн хэрэг гарах үед буюу банк хааж өдрийн гүйлгээгээ тооцох үед тус банкинд харуул, хамгаалалтын ажилтан байхгүй, хаалгаа түгжээгүй байсан нь хэрэг гарах нөхцлийг бүрдүүлсэн гэж ЦЕГ-аас мэдээлээд байгаа юм.