Монголын сагсан бөмбөгийн багийн эзэд, дасгалжуулагч, тоглогчдын холбооноос энэ сарын 24-нд буюу ирэх ням гаригт Монголын сагсан бөмбөгийн бүх гишүүдийн нэгдсэн хурал зохион байгуулах гэж байна. Энэхүү хуралд сагсан бөмбөгийн тамирчид, дасгалжуулагчид, багийн эзэд, сонирхогчид, сэтгүүлчид зэрэг сагсан бөмбөгийн хөгжилд оролцогч бүхий л талуудын төлөөлөл оролцох эрхтэй ажээ.  Тус хурлаар холбооны ерөнхийлөгч болоод бүтэц, бүрэлдэхүүнийг баталж, томилох бөгөөд үүнд саналаа өгөх эрхтэй 212 мандат байгаа юм байна. Тодруулбал,

1. Үндэсний супер лигийн 7 багийн төлөөлөл, баг  бүрт 7 мандат
2. Спрайт супер лигийн 20 багийн төлөөлөл, баг бүрт 2 мандат
3. Нийслэлийн 9 дүүрэг, дүүрэг бүрийг төлөөлөх 2 мандат
4. Улсын 21 аймаг, аймаг бүрт 1 мандат
5. Спрайт супер лигийн эмэгтэй 7 багийн төлөөлөл, баг бүрт 3 мандат
6. Ахмадууд, ахмадын төлөөлөл 5 мандат
7. Үндэсний шигшээ баг, 14 мандат
8. Залуучуудын шигшээ баг, 14 баг
9. Хэвлэл, мэдээллийн хэрэгсэл, спортын сэтгүүлчид 20 мандат
10. Сагсан бөмбөгийн шүүгчдийн холбооны төлөөлөл, 10 мандат

Урилгаар 50 хөндлөнгийн ажиглагчид хүрэлцэн ирэх бөгөөд урилгаар ирсэн зочид саналын эрхгүй байх аж.

Монголын сагсан бөмбөгийн бүх гишүүдийн нэгдсэн хурал ирэх ням гаригт 14.00 цагт “Кемпински” зочид буудалд болох юм байна.