Монгол Улс даяар спортын 15 төрлөөр зохиогдож буй “Универсиад” наадмын сагсан бөмбөгийн нийслэлийн бүсийн тэмцээн ирэх амралтын өдрүүдэд болох гэж байна. Энэ сарын 23, 24-нд МУБИС, ШУТИС, МУИС-ийн Худалдааны сургууль, ЭМШУИС-ийн спорт зааланд болох тус тэмцээнд нийслэлийн 15 их, дээд сургууль, коллежийн эрэгтэй 14, эмэгтэй 13 багийн 300 гаруй оюутан тамирчид оролцохоор бэлтгэл сургуулилтаа хангаж байна.

Нийслэлийн бүсийн сагсан бөмбөгийн тэмцээнээс шалгарсан эрэгтэй 14, эмэгтэй 12 багийн тамирчид гуравдугаар сарын 11-15-нд болох шигшээ тэмцээнд оролцох эрхтэй болох юм.

Тэмцээний нээлтийн ажиллагаа энэ сарын 23-ны 12.00 цагт ШУТИС-ийн спорт зааланд болох ажээ.