Бараг сар шахуу нисэх компаниудыг дарамталсан Исландын Эйяфьятлайокюдль галт уулын идэвхжилт буурч байна. Галт уулын тогооны халуун нь +100 градус хүртэл тогоондоо буурсан гэж мэргэжилтнүүд хэлж байна. Тэр нь уг галт уул одоо агаар мандалд зөвхөн уур л хаяна, харин халуун хайлмаг магмагийн урсгал тасарсан гэсэн үг болж байна.
Гэхдээ мэргэжилтнүүд нисэхийн компаниудад хандан баярлах цаг ирээгүйг сануулж байгаа ажээ. Учир нь галт уул өнөө маргаашгүй унтарна гэж хэлэхэд эрт байгаа гэнэ. Шинжлэх ухаанд галт уулын идэвхжилт буурч байснаа гэнэтхэн сэргэдэг тохиолдол бишгүй байдаг гэнэ. Уг галт уул үүнээс өмнө 1821 онд дэлбэрч тэр нь 13 сар үргэлжилсэн юм.