Нэгэн цагт Их Британийн алдарт “Beatles” хамтлагийн гишүүн байсан гэгддэг дуучин, хөгжмийн зохиолч Тони Шеридан 72 насандаа таалал төгчээ. Тэрээр удаан хугацааны турш өвчиндөө шаналсаар өнгөрөгч бямба гаригт амьсгал хураасан хэмээн түүний охин Венди Клайр өчигдөр албан ёсоор  мэдэгдсэн байна. “Beatles” анх байгуулагдсан1960-аад онд Германы Гамбург хотын жижиг клубүүдэд уран бүтээлээ хүргэдэг байсан бөгөөд Шеридан энэ үед хамтлагийн бүрэлдэхүүнд багтаж байсан гэнэ.

Ийнхүү хамтлагийн гишүүн байсан дотны анд Шериданыг таалал төгссөний дараа Пол Маккартни “Тони бол бидний сайн нөхөр төдийгүй  шилдэг уран бүтээлчдийн нэг байсан юм. Тэр хөгжмийн ертөнцөд үргэлж санан дурсагдаж байх болно” хэмээн ярьжээ. Шеридан хамгийн анх 1960 онд Жон Ленон, Пол Маккартни, Жорж Харрисон, Ринго Старр нарын хамтлагийн гишүүдтэй Гамбург хотноо танилцаж, 1962 онд бөмбөрчний хувиар хамтлагт нэгдэж байжээ.