Улаанбаатар хот дахь Ховд нутгийн зөвлөлөөс жил бүр зохион байгуулдаг  “Ховд нутгийн иргэдийн сар шинийн золголт 2013” арга хэмжээ өчигдөр буюу шиний наймны билэгт сайн өдөр Монгол бөхийн өргөөнд боллоо.

Тус нутгийн золголтын барилдаанд аймаг, сумын цолтой 16 бөх зодоглосноос Мянгад сумын харьяат "Сүлд" спорт хорооны бөх аймгийн арслан Н.Батсайхан түрүүлж, Дарви сумын харьяат аймгийн начин Б.Тайван үзүүрлэлээ. Шөвгийн дөрөвт Буянт сумын харьяат аймгийн заан О.Хангай, Булган сумын харьяат аймгийн начин Д.Бадамгарав нар шалгаран үлдэв.