Монголын оюутны спортын III их наадмын волейболын тэмцээний нийслэлийн бүсийн тоглолтууд өрсөлдөөн дүүрэн өрнөж, шилдэг багуудыэ нэрс тодорлоо. Нийслэлд үйл ажиллагаагаа явуулж байгаа их, дээд сургуулиудын багуудаас эмэгтэйчүүдээс ШУТИС-ийн баг түрүүлж, МУБИС, ХААИС, Улаанбаатар их сургуулийн багууд эхний дөрөвт шалгарсан бол эрэгтэй багуудаас МУИС-ийн оюутан тамирчид бусдыгаа ардаа орхин хошуучилж, ШУТИС, ХААИС, ҮБТДС-ийн багууд удаалжээ. Нийслэлийн бүсээс шалгарсан багууд 3-р сарын 4-8-ны өдрүүдэд МУИС-ийн ЭЗС-ийн спорт зааланд болох спортын их наадмын шигшээ тэмцээнд оролцоно гэж Нийслэлийн биеийн тамир, спортын газраас мэдээллээ.