Аваргуудын
лигийн шөвгийн 16-гийн эхний тоглолтоо хийх гэж буй Германы “Байерн”-ий
ахлагч Филипп Лам Лондоны “Арсенал”-ыг талбайд нь хожихыг хүсч буйгаа
өгүүлжээ. Маргааш шөнө хоёр баг “Эмирэйтс” цэнгэлдэхэд тоглох билээ.

“Энэ
тоглолтыг тэсгэл алдан хүлээж байна. Мэдээж, биднйи өрсөлдөгч бол дээд
зэрэглэлийн баг. Бид Лондоыг зорихдоо эргээд талбайдаа тоглоход дөхөм
байхаар дүнд хүрэхийг хичээх болно. “Арсенал”-ынхан бидэнд чөлөө зай
олгож, байнга довтлоно гэж бодохгүй байна. Бидний сүүлд Бундеслигт
хийсэн тоглолттой л төстэй байдлаар тоглолт өрнөх болов уу. Бид Лондоныг
зөвхөн ялалтын төлөө л зорьж байна” хэмээн Лам ярьсан байна.

Тоглолтын маргааш шөнө буюу Улаанбаатарын цагийн лхагва гаригийн 03.45-аас эхэлнэ.