Пакистаны баруун өмнөд хэсэгт орших Кветта хотын захын дүүрэгт бямба гаригт гарсан дэлбэрэлтийн улмаас амиа алдагсдын тоо 81-д хүрч нэмэгдээд байгаа талаар албаны эх сурвалжууд мэдэгджээ. Үүсээд байгаа нөхцөл байдалтай уялдан хотын цагдаагийн алба дахин иймэрхүү халдлагуудаас урьдчилан сэргийлэх зорилготой хөл ихтэй газруудаар мөрдөн шалгах ажиллагааг үргэлжлүүлж байгаа юм байна.

Албаныхны мэдээлснээр дэлбэрэлтэнд өртсөн байшин ногоо зардаг хотын томоохон худалдааны төвийн нэг бөгөөд дэлбэрэлтээр 160 хүн шархдсан байна. Хохирогчдын ихэнх нь лалын шийт урсгалынхан байсан бөгөөд халдлага шийтүүдийн эсрэг чиглэсэн нь тодорхой хэмээн эх сурвалжууд мэдээлж байгаа юм. Харин олон улсын хүний эрхийн байгууллагуудаас олон хүний амь эрсдсэн дээрх хэрэгт иргэдийн аюулгүй байдлыг хангаж чадаагүй хэмээн Пакистаны Засгийн газрыг буруутгаж байгаа аж.