Попера урсгалаар уран бүтээлээ туурвидаг “Nuans” хамтлагийнхан тун удахгүй хос цомог өлгийдөн авахаар тун ч завгүй яваа гэнэ. Дан монгол дуунаас бүрдсэн “Бид нэг хүсэлтэй” болон попера урсгалын “Амore” цомгоо сонсогч, фэнүүддээ хүргэх нь ээ. “Nuans” хамтлагийнхан өнгөрсөн жил ОХУ-ын Чита, Буриад, Улан-Үдэ, Эрхүүгийн теартуудад уригдан бие даасан тоглолтоо хийгээд ирсэн юм. Уг аялан тоглолт энэ жил ч үргэлжлэх бөгөөд тэд ирэх гуравдугаар сард хойд хөршийг зорихоор болжээ.