Энэтхэг улсад өнгөрсөн нэгдүгээр сарын 25-нд элэг шилжүүлэн суулгах хагалгаанд орсон М.Сайханбилэг хүү шинийн гурванд буюу энэ сарын 13-нд эмнэлгээс гарсан байна. Хүүг хоёрдугаар сарын 4-нд Сэхээн амьдруулах тасгаас энгийн тасагт шилжүүлээд байсан юм.

Хүүгийн биеийн байдал сайн байгаа бөгөөд хагалгааны дараах эмчилгээ хийгдэж, гурав хоног тутамд шинжилгээ өгч байгаа ажээ.  Ихрийн өрөөсөн хүүгийн элэгний өвчин хүндэрч, гадаадад эмчлүүлэх болсон тухай мэдээг хүлээн авсан олон арван хүн түүнд тусалж, эмчилгээний зардалд хандив өргөснөөр М.Сайханбилэг хүү ийн хүнд хагалгааны ард гараад байгаа юм.