”All star games MVP” шагналыг “Сейнт Луис Хокс” багийн домог  Боб Петтит, “Лос Анжелас Лейкерс” багийн
од Коби Брайант нар хамгийн олон буюу дөрвөн удаа хүртжээ.

NBA-гийн “Бүх оддын тоглолт”-ын үеэр ”All star games MVP” буюу “Бүх оддын тоглолтын үнэ цэнэтэй тоглогч”-ийг шалгаруулдаг. 62 дахь удаагийн “Бүх оддын тоглолт”-ын хамгийн үнэ цэнэ тоглогч буюу MVP хэн болох сагсан бөмбөгийн хорхойтнуудын хүсэн хүлээж буй асуултын нэг хэвээр байна. Хариулт нь ирэх даваа гаригийн “Бүх оддын тоглолт”-ын дараа гарна. Харин сагсан бөмбөгч сонирхогч та хэн гэж бодож байна вэ?

Тэгвэл энэхүү нэр хүндтэй шагналыг “Сейнт Луис Хокс” багийн домог  Боб Петтит, “Лос Анжелас Лейкерс” багийн од Коби Брайант нар хамгийн олон буюу дөрвөн удаа хүртжээ. Харин Оскар Робертсон, Майкл Жордан, Шакил О’ниль гурав, Боб Куйзи, Жульюс Өрвинг, Айзия Томас, Мэжик Жонсон, Карл Мэллоун, Аллен Айверсон, ЛеБрон Жеймс нар хоёр удаа энэхүү шагналыг хүртсэн аж. Мөн “Бүх оддын тоглолт”-ын үнэ цэнэтэй тоглогчийн шагналыг хоёр тоглогчид зэрэг өгсөн тохиолдол ч бий. 1959 онд Элгин Бэйлор, Боб Петтит нар, 1993 онд Жон Стоктон болон Карл Мэллоун, 2000 онд Тим Данкен болон Шакил О’ниль, хамгийн сүүлд 2009 онд Кобе болон Шак нар хамт хүртэж байжээ.

Мөн ЛеБрон Жеймс 21 настайдаа “Бүх оддын тоглолт”-ын үнэ цэнэтэй шагналыг хүртсэн нь хамгийн залуудаа MVP болсон байна. Харин Тим Данкен энэхүү шагналыг хүртсэн АНУ-ын биш цорын ганц сагсан бөмбөгч юм. Тим Данкен АНУ-ын Виржина арлын иргэншилтэй аж.    

Ингээд “Бүх оддын тоглолт”-ын MVP хүртсэн сагсан бөмбөгчдийг хүргэж байна.

Он                     Тоглогч                             Баг
1951               Эд Маколи                     /Бостон Селтикс/
1952               Пол Аризин                    /Филадельфия Уорриорз/
1953               Джордж Микан               /Миннеаполис Лейкерс/
1954               Боб Коузи                      /Бостон Селтикс/
1955               Билл Шерман                 /Бостон Селтикс/
1956               Боб Петтит                     /Сент-Луис Хокс/
1957               Боб Коузи                      /Бостон Селтикс/
1958               Боб Петтит (2)                /Сент-Луис Хокс/
1959               Элгин Бэйлор                /Миннеаполис Лейкерс/
1959               Боб Петтит (3)                /Сент-Луис Хокс/
1960               Уилт Чемберлен             /Филадельфия Уорриорз/
1961               Оскар Робертсон            /Цинциннати Роялз/
1962               Боб Петтит (4)                 /Сент-Луис Хокс/
1963               Билл Рассел                  /Бостон Селтикс/
1964               Оскар Робертсон (2)       /Цинциннати Роялз/
1965               Жерри Лукас                  /Цинциннати Роялз/
1966               Адриан Смит                  /Цинциннати Роялз/
1967               Рик Бэрри                      /Сан-Франциско Уорриорз/
1968               Хэл Грир                         /Филадельфия-76/
1969               Оскар Робертсон (3)       /Цинциннати Роялз/
1970               Уиллис Рид                    /Нью-Йорк Никс/
1971               Ленни Уилкенс               /Сиэтл Суперсоникс/
1972               Жерри Уэст                    /Лос-Анжелес Лейкерс/
1973               Дейв Коуэнс                  /Бостон Селтикс/
1974               Боб Ленье                     /Детройт Пистонс/
1975               Уолт Фрейзер                 /Нью-Йорк Никс/
1976               Дэйв Бинг                      /Балтимор Буллитс/
1977               Жулиус Ирвинг               /Филадельфия-76/
1978               Рэнди Смит                    /Буффало Брэйвс/
1979               Дэвид Томпсон               /Денвер Наггетс/
1980               Жорж Гервин                  /Сан-Антонио Спөрс/
1981               Нейт Арчибальд             /Бостон Селтикс/
1982               Ларри Бөрд                    /Бостон Селтикс/
1983               Жулиус Ирвинг (2)          /Филадельфия-76/
1984               Айзея Томас                   /Детройт Пистонс/
1985               Ральф Сэмпсон              /Хьюстон Рокетс/
1986               Айзея Томас (2)              /Детройт Пистонс/
1987               Том Чамберс                  /Сиэтл Суперсоникс/
1988               Майкл Жордан               /Чикаго Буллз/
1989               Карл Мэллоун                /Юта Жазз/
1990               Мэжик Жонсон               /Лос-Анжелес Лейкерс/
1991               Чарльз Баркли               /Филадельфия-76/
1992               Мэжик Жонсон (2)           /Лос-Анжелес Лейкерс/
1993]              Жон Стоктон                   /Юта Жазз/
1993]              Карл Мэллоун (2)            /Юта Жазз/ 
1994               Скотти Пиппен                 /Чикаго Буллз/
1995               Митч Ричмон                   /Сакраменто Кингз/
1996               Майкл Жордан (2)            /Чикаго Буллз/
1997               Глен Райс                        /Шарлотт Хорнетс/
1998               Майкл Жордан (3)             /Чикаго Буллз/
2000               Шакил О"Нил                    /Лос-Анжелес Лейкерс/        
                      Тим Данкан                       /Сан-Антонио Спөрс/
2001               Аллен Айверсон                /Филадельфия-76/
2002               Коби Брайант                    /Лос-Анжелес Лейкерс/
2003               Кевин Гарнетт                    /Миннесота Тимберволвз/
2004               Шакил О"Нил (2)                /Лос-Анжелес Лейкерс/
2005               Аллен Айверсон (2)           /Филадельфия-76/
2006               Леброн Жеймс                   /Кливленд Кавальерс/
2007               Коби Брайант (2)                /Лос-Анжелес Лейкерс/
2008               Леброн Жеймс (2)               /Кливленд Кавальерс/
2009               Коби Брайант (3)                /Лос-Анжелес Лейкерс/
                      Шакил О"Нил (3)                 /Финикс Санс/
2010               Дуэйн Уэйд                        /Майами Хит/
2011               Коби Брайант (4)                 /Лос-Анжелес Лейкерс/
2012               Кевин Дюрант (1)                /Оклахома-Сити Тандер/