NBA-гийн 62 дахь удаагийн “Бүх оддын тоглолт” АНУ-ын Техас мужийн Хьюстон хотноо шилдэг залуу тоглогчдын “BBVA Rising Stars Challenge” тэмцээнээр  нээлтээ хийлээ.

“Бүх оддын тоглолт”-ын эхний өдөр болдог энэхүү тоглолтод NBA-д анхны болон хоёр дахь жилдээ тоглож буй тоглогчид оролцдог юм.

Энэ удаагийн залуу тоглогчдын тэмцээний дасгалжуулагчдаар NBA-гийн домогт сагсан бөмбөгч Чарльз Баркли болон Шакил О`Нил нар тодорсон билээ. “Бүх оддын тоглолт”-ын шилдэг залуу тоглогчдын “тулаан” нээлттэй  довтлолтоор үргэжлэн, 163:135-ийн харьцаатай Чарльз Барклигийн багийн ялалтаар өндөрлөсөн юм. Тэмцээний MPV буюу шилдэг үнэ цэнэтэй тоглогчоор 40 оноо, 10 удаа самбараас бөмбөг авсан “Денвер Наггетс” багийн Кеннетт Париед шалгарлаа.

Энэ удаагийн “BBVA Rising Stars Challenge” тэмцээнд Чарльз Баркли буюу “Чак”-ын багийн бүрэлдэхүүнд өнгөрсөн жилийн драфтын тэргүүн тоглогч “Нью-Орлеан”-ы хүчний довтлогч Антонио Дэвис, “Денвер”-ийн Кеннетт Фариед, “Сан-Антонио”-гийн Кавхи Леонард, “Вашингтон”-ы Брэдли Беал, “Миннесота”-гийн Рики Рубио, Алексей Швед, “Кливлэнд”-ийн Тристиан Томпсон, “Орландо”-гийн Никола Вукевич, “Детройт”-ын Брэндон Найт, “Сакраменто”-гийн Айзея Томас нар багтсан юм.

Харин Шакийн багт  өнгөрсөн жилийн “BBVA Rising Stars Challenge” тэмцээний MVP “Кливлэнд”-ийн Кайри Өрвинг, түүний багийн анд Дион Уэйтерс, Тайлор Зеллер, энэ улирлын шилдэг “Rookie” болох хамгийн өндөр магадлалтай “Портлэнд”-ийн Дэмион Лиллиард, “Детройт”-ын Андре Дрэммонд, “Голден Стейт”-ийн Клай Томпсон, Харрисон Барнес, “Шарлотт”-ын Кемба Уолкер, Майкл Кидд-Гилкрист, “Хьюстон”-ы Чандлер Парсонс нар багтсан юм.

“Бүх оддын тоглолт”-ын хуваарь /Улаанбаатарын цагаар/

Хоёрдугаар сарын 10:00 цагаас “Rising Stars Challenge” буюу шилдэг залуу холимог оддын тоглолт болно.

Хоёрдугаар сарын 17-нд өглөө 09:00 цагаас  эхлэн “Бүх оддын тоглолт”-ын Холимог оддын шидэлтийн тэмцээн, Ур чадварын тэмцээн, Слэм Данк, Холын зайн шидэлтийн тэмцээнүүд явагдана.

Харин ирэх даваа гарагийн өглөө 09:00 цагаас “Бүх оддын тоглолт”-ын Өрнөд, Дорнод бүсийн бүх оддын тоглолт явагдана.

Ингээд 62 дахь удаагийн NBA-гийн “Бүх оддын тоглолт”-д оролцох тамирчдыг дахин сануулъя.

Өрнөд бүсийн шигшээ:

1. Крис Пол-Лос Анжелас Клиппер
2. Коби Брайант-Лос Анжелас Лэйкерс
3. Кевин Дюрант-Оклохама Сити Тандер
4. Блэйк Гриффин-Лос Анжелас Клипперс
5. Дуайт Ховард-Лос Анжелас Лэйкерс
6. ЛаМаркус Олдриж-Портлэнд Блэйзерс
7. Тим Данкан -Сан Антиона Спөрс
8. Жэймс Харден-Хьюстон Рокитс
9. Дэйвид Лий-Вашингтон Уорриорс
10. Тони Паркер-Сан Антиона Спөрс
11. Зак Рандольф-Портлэнд Гриззлис
12. Расселл Вестбрүүк-Оклохама Сити Тандер

Дасгалжуулагч: Грегг Попович-Сан Антонио Спөрс

Дорнод бүсийн шигшээ:

1. Ражон Рондо /бэртсэн учраас Брүүк Лопес орлоно/
2. Дуэйн Вэйд-Майами Хит
3. ЛэБрон Жэймс-Майами Хит
4. Кармело Энтони-Ньюь-Йорк Никс
5. Кевин Гарнетт-Бостон Селтикс
6. Крис Бош-Майами Хит
7. Тайсон Чандлер-Нью-Йорк Никс
8. Луол Денг-Чикаго Буллз
9. Пол Жорж-Индиана Пэйсерс
10. Жрү Холидэй-Филадельфи 76
11. Кайри Өрвин-Кливлэнд Кавалиерс
12. Жоаким Ноа-Чикаго Буллз

Дасгалжуулагч: Эрик Спойлстра-Майами Хит