Английн Лондон хотод 15 дахь жилдээ зохион байгуулж буй “INTERNATIONAL SPIRITS CHALLENGE-2010” тэмцээнд Монгол Улсаа төлөөлөн “АПУ” компанийн “Ерөөл” брэнд оролцон дэлхийн шилдгүүдтэй өрсөлдлөө.  Олон улсын төвшинд хэдийнэ нэр хүндтэй болж, байр сууриа эзэлсэн уг шалгаруултад  дэлхийн өнцөг булан бүрээс 1000 гаруй компанийн брэнд бүтээгдэхүүн оролцсон байна. Эдгээр бүтээгдэхүүнээс шилдгийг шалгаруулах шүүгчдийн баг мэргэжлийн технологич, амталгааны мэргэжилтэн, худалдан авагч, сэтгүүлчид, нэр нөлөө бүхий экспертүүдээс бүрджээ.  Нийтдээ 12 шүүгч шалгаруулалтыг явуулж, шилдгүүдийг тодруулснаас Монгол Улсын “АПУ” компанийн “Ерөөл” брэнд МӨНГӨН МЕДАЛЬ хүртсэн байна.

Шалгаруулалт нь амталгаа болон бүтээгдэхүүний сав баглаа боодол гэсэн хоёр хэлбэрээр явагддаг аж. Тэр дундаа амталгааг blind test хэлбэрээр дахин давтамж бүхий хатуу шалгуураар явуулдаг байна.

Сонирхуулахад бүтээгдэхүүний шилдгүүдийг олон орны мэргэжлийн амтлаач, экспертүүдээс бүрдсэн баг хэдэн өдрийн турш амтлан шалгаруулдаг ба ингэхдээ “blind test” аргаар буюу тухайн брэндийн сав баглаа боодол болон брэндийн нэрийг бичилгүйгээр амталгаа явуулж мэргэжлийн экспертүүдийн бодит саналыг авах зарчмаар явуулдаг гэнэ.  Өөрөөр хэлбэл дэлхийн алдарт бүх брэндүүдийг яг ижил түвшинд ижилхэн нөхцөл зарчмаар шалгаруулдаг байна.
Энэ он гарснаас хойш “АПУ” компанийн бүтээгдэхүүнүүд олон улсын зэрэглэлд тэнцэхүйц бүтээгдэхүүн үйлдвэрлэдэг гэдгээ ийн дахин дахин баталгаажуулсаар буй. Тухайлбал, он солигдох баярт мөчид “Соёмбо” брэнд “WORLD BEVERAGE COMPETITION-2010” тэмцээнээс “Монголын түүхийг дэлхийд дахин санууллаа” гэсэн тодорхойлолттойгоор АЛТАН МЕДАЛЬ хүртсэн билээ.

Тэмцээний үр дүн, шагналын талаарх мэдээллийг доорх холбоосоор орж үзэж болно.

Ерөөл:         http://www.internationalspiritschallenge.com
Соёмбо:        http://www.beveragecompetition.com/home.htm