Монголын Ширээний теннисний холбоо он гаргаад үндэсний лиг болон өсвөрийн, Топ-10 тамирчдын дундах тэмцээнийг зохион байгуулсан. Энэ жил ганцаарчилсан төрлийн Дэлхийн аварга шалгаруулах тэмцээн ирэх тавдугаар сард Францын нийслэл Парис хотноо болно. Тиймээс лигийн тоглолт болон топ тамирчдын дундах тэмцээн их чухал болсон. Улсын шигшээ багийг бүрдүүлэх сүүлийн сонгон шалгаруулалт ирэх сард болох насанд хүрэгчдийн УАШТ-ээр дуусгавар болох аж. Ингээд МШТХ-ны ирэх саруудад болох тэмцээний хуваарийг танилцуулья.