Электрон бүтээгдэхүүний загвар зохион бүтээгч, Японы иргэн Казуо Кавазаки “Cool leaf keyboard” хэмээх компьютерийн гар зохион бүтээжээ. Энэ гарны онцлог гэвэл товчлуур нь мэдрэгчтэй бөгөөд толиноос ялгагдахааргүй гөлгөр гадаргуутай аж. Бичих үед товчлуурын мэдрэгчид гэрэл асч, дохио дуугардаг гэнэ.

Энэхүү онцгой гар нь ус нэвтрэхгүй, цэвэрлэхэд хялбараас гадна энгийн товчлууртай гарнаас хоёр дахин хурдтай болох нь тогтоогджээ. Мэдрэгчтэй гарыг хэзээнээс, ямар үнээр худалдаж эхлэх нь тодорхойгүй байгаа ч ирэх намар гэхэд хэрэглэгчдийн гар дээр очно хэмээн зохион бүтээгчид хэлжээ.