Холливудын нэртэй одод болох Анжелина Жоли, Брэд Пит нарын дөнгөж дөрөвхөн настай охин Вивинне Жоли-Пит долоо хоногт 3000 ам.долларын цалин авдаг гэнэ. Жолигийн гол дүрд нь тоглож буй 2014 онд үзэгчдийн хүртээл болох “Maleficent” кинонд түүний охин Аврора гүнжийн дүрд тоглосоныхоо хөлсөнд ийнхүү Холливудын хамгийн өндөр цалинтай бяцхан жүжигчнээр тодроод  байгаа аж. TMZ.com-д мэдээлснээр кино сонирхогчдын хүсэн хүлээж байгаа уг кинонд тоглосоноороо Вивине нэг цагт 60 ам.доллараар цалинждаг юм байна.

Киноны зураг авалт өнгөрөгч онд Англид эхэлж ирэх оны долдугаар сард нээлтээ хийх юм. Түүнчлэн Жолигийн Вивинне охиноос гадна түүний ах нар Пакс, Захара нар мөн уг киноны зарим нэг хэсэгт гарах төдийгүй дунд охин Шило мөн тус кинонд тоглох байжээ. Харин Шило өөрөө дүргүйцсэнээс дүү нь “Maleficent”-д Аврора гүнжийн дүрд тоглох болсон байна. Шилогийн хувьд таван жилийн өмнө аавынхаа тоглосон “Бенжамин Баттоны хачирхалтай хэрэг” кинонд тоглож байжээ.