Европийн хөлбөмбөгийн холбооны “Аваргуудын лиг”-ийн 2013 оны хасагдах шатны тоглолтууд боллоо. Өнгөрсөн шөнө болсон тоглолтуудад талбайн зочид илүүрхэн хожсон юм. Эдгээр багуудын хариу тоглолт гуравдугаар сарын 7-нд болно.

Шотландын “Селтик” өөрийн талбай “Селтик Парк”-даа Италийн аварга “Ювентус”-ыг хүлээн авсан ч 3:0-ийн харьцаатай хожигдлоо. Өнгөрсөн жилийн Италийн “Сери А” аварга “Хөгшин хадагтай” нарын гоолыг Матри, Маркизио, Вучинич оруулсан байна. Ингэснээр “Ювентус” шөвгийн наймд шалгарах боломжоо бүрдүүлсэн гэхэд болно. “Ювентус” талбайдаа гурван гоолын зөрүүтэй хожигдоогүй тохиолдолд цааш шалгарна. Чанга, хатуу хамгаалалт, сайн формтой байгаа “Ювентус”-ыг талбайд нь гурван гоолын зөрүүтэй хожно гэдэг  “Селтик”-ийн хувьд хэцүү байх нь ойлгомжтой.  

“Аваргуудын лиг”-ийн хасагдах шатны эхний тоглолт

"Селтик" (Шотланд) – "Ювентус" (Итали) – 0:3  
Гоол: Матри 3’, Маркизио 77’, Вучинич 83’
"Селтик": Форстер, Малгрю, Лустиг (Мэттьюз 59’), Исагирре, Эмброуз, Уилсон, Браун (Каяль, 80’), Коммонс (Уотт73’), Ваньяма, Хупер, Форрест

"Ювентус": Буффон, Лихтштайнер, Барцальи, Касерес, Бонуччи, Пелузо (Падоин 69’), Пирло, Видаль, Маркизио, Вучинич (Анелька 86’), Матри (Погба 81’)

Мөн энэ хоёр багийн тоглолттой зэрэгцэн, Испанийн “Валенсия” Францын “Парис Сейнт Жермейн” багийн тоглолт болсон юм. 36 мянган хөгжөөн дэмжигч үзсэн энэхүү тоглолт 2:1-ийн харьцаатай талбайн зочдын буюу “ПСЖ” багийн ялалтаар өндөрлөлөө. “ПСЖ” багийн гоолуудыг Лавесс арав, Хавьер Пасторе 43 минутад оруулсан бол “Валенсия” багийн хамгаалагч Рами 90 дэх минутад нэр төрийн гоолыг орууллаа. Харин шүүгчийн мэдлийн 90+2 дахь минутад “ПСЖ” багийн гол тоглогч Златан Ибрагимович эсрэг багийн хамгаалагчид дээр бүдүүлэг алдаа гарган талбайг чөлөөлсөн юм. Ингэснээр Ибрагимович хариу тоглолтод оролцохооргүй боллоо.

"Валенсия" (Испани) – "ПСЖ" (Франц) – 1:2
Гоол: Рами, 90 – Лавесси, 10, Пасторе, 43
"Валенсия": Гуаита Панадеро, Жоау Перейра, Рикарду Кошта, Рами, Банега (Каналес Мандрасо 46’), Парехо, Гуардадо, Фегули (Вьера 84’), Коста, Сольдадо, Жонас (Вальдес 46’)

"ПСЖ": Сиригу, Алекс, Жалле, Максвелл, Сако, Матюиди, Пасторе (Арман 88’), Лукас (Шантом 53’), Верратти, Ибрагимович, Лавесси (Менез 76’)
Улаан хуудас: Ибрагимович, 90+2 (ПСЖ)