Хятад улс  өнгөрсөн нэгдүгээр сарын байдлаар 30,5 сая гаруй тонн нүүрс импортлосон байна. Энэ нь өнгөрсөн жилийн импортоос 56,3 хувиар өссөн үзүүлэлт бөгөөд энэ оны рекордыг аль хэдийнэ тогтоолоо гэж Хятадын гаалийн албанаас мэдээлжээ. Өнгөрсөн жил импортлосон нүүрсний хэмжээ 234,3 сая тонн хүрч, өмнөх жилүүдээс 28,7 хувиар өссөн нь огцом “үсрэлт” хэмээн онцолж байсан билээ.
Хятад улс нь гадны хэрэглэгч төдийгүй дотоодын нүүрсний томоохон үйлдвэрлэгч орон юм. Тус улс нь дотоодын үйлдвэрлэлийн хэмжээгээ 3,66 тэрбум тонн хүргэхийн төлөө нүүрсийг түлхүү үйлдвэрлэсээр ирсэн. Өдгөө Хятадын нүүрсний хэрэглээ  дэлхий дахины нийт хэрэглээтэй  бараг дүйх хэмжээний гэх бөгөөд цаашид үүнээс илүү нэмэгдэх хандлагатай байна. Хятадын нүүрс импортлогчдын холбооноос мэдээлж байгаагаар бол ирэх гурван жилийн дотор 400-500 сая тонн нүүрс импортлох төлөвтэй хэмээн  www.mining.com сайтад онцолжээ.