3,423.28
Азийн Хөлбөмбөгийн Холбооноос хөлбөмбөгийн хөгжил сул орнуудын дунд зохиодог “AFC Challenge Cup 2014” тэмцээний урьдчилсан шалгаруулалтад оролцох Монголын хөлбөмбөгийн шигшээ баг бүрэлдэхүүнээ зарлажээ. Энэ удаагийн шигшээ багийн бүрэлдэхүүнд Д.Лүмбэнгарав, Б.Гарьдмагнай, Х.Цэнд-Аюуш зэрэг шилдэг тоглогчид бүгд багтсан байна. Мөн18 настай залуу тоглогчид болох Б.Төгсбилэг, М.Төгөлдөр, Э.Мөнх-Эрдэнэ нарыг шигшээ багийн бүрэлдэхүүнд анх удаагаа тоглох боломж олгосон байна. Шигшээ багийн дундаж нас 23,6 байгаа нь Монголын түүхэн дэх хамгийн залуу шигшээд тооцогдох юм. Лигийн аварга “Эрчим” багаас хамгийн олон буюу 6 тоглогч, “Улаанбаатар Их Сургууль”-ийн багаас 4 тоглогч, “ФС Улаанбаатар” багаас 3 тоглогч тус бүр шигшээд багтжээ.Хаалгач: Ю.Сайнхүү /Сэлэнгэ Пресс/, Б.Ариунболд /Эрчим/, Б.Батсуурь /МУБИС/
Хамгаалагч: Д.Лүмбэнгарав /УБИС/, Ц.Энхжаргал /Эрчим/, Г.Билгүүн /Эрчим/, Э.Мөнх-Эрдэнэ /ФС Улаанбаатар/, Б.Эрхэмбаяр /Эрчим/, Ц.Дарамбаяр /Хоромхон/, Б.Гарьдмагнай /Эрчим/
Хагас хамгаалагч: Н.Цэдэнбал /УБИС/, П.Алтантулга /УБИС/, О.Баяржаргал /ФС Улаанбаатар/, А.Чинзориг /ФС Улаанбаатар/, Х.Цэнд-Аюуш /Хоромхон/, Ц.Мөнх-Эрдэнэ /Хүлгүүд/, М.Төгөлдөр /Эрчим/
Довтлогч: Ц.Түмэнжаргал /УБИС/, Г.Төгсбаяр /Сэлэнгэ Пресс/, Б.Төгсбилэг /Хаан Хүнс Титэм/
Багийн ахлах дасгалжуулагч: С.Эрдэнэбат.
Манай баг гуравдугаар сарын 2-6-ны өдрүүдэд Вьентьян хотын Шинэ Лао Үндэсний цэнгэлдэх хүрээлэнд Лаос, Шри Ланка, Афганистаны багуудтай өрсөлдөх юм. Хэсэг тэргүүлсэн баг болон хэсгийн хоёрдугаар байраар хамгийн өндөр үзүүлэлттэй шалгарсан хоёр баг дараагийн шатанд шалгарч, улмаар шигшээ тэмцээнд оролцох эрхтэй болно. Монголын хөлбөмбөгийн шигшээ багийн дасгалжуулагч С.Эрдэнэбатын сонгосон 20 тоглогч өдгөө МХБХ дээр байрлан бэлтгэлээ базааж байна. Шигшээ багийнхан хоёрдугаар сарын 20-нд эх орноосоо мордоно.
