XVII жарны "Тийн ялгуусан" хэмээх усан могой жилийн сар шинийн баярт зориулсан хүчит бөхийн барилдааны тавын даваа эхэлж байна. Мэргэжлийн сумогийн 68 дахь их аварга Асашёорюү Д.Дагвадорж дөнгөж сая "Монгол бөхийн өргөө"-нөө бөх үзэхээр ирээд байна. Түүний аав, Өвөрхангай аймгийн Хужирт сумын харьяат, улсын заан Д.Долгорсүрэн сар шинийн барилдаан нэг удаа үзүүрлэж байжээ.