“Булсара” хамтлаг өчигдөр 10 нас хүрч, уран бүтээлийг нь удтал хүлээсэн фенүүддээ “Unplugged” тоглолтоо хүргэсэн юм. Тэд өөрсдийн хоёр цомогтоо багтсан дуунуудаа шинэчлэн найруулж хүргэсэн бөгөөд “Булсара” хамтлагийн ахлагч Тамир “Харанга” хамтлагийн дуучин Х.Лхагвасүрэнтэй хамтран “Тэнгэрт нэг удаа” дуугаа дуулсан нь тоглолтын хамгийн том сюрприз байлаа. Тэнгэрт дэгдсэн түймрийн утааг “Black Box”  театрт үнэрттэл дуулсан энэ дууны найруулгыг шинэчлэн, дахилтын хэсэг дээр “Ийм л байг” дууны хэсгээс багтаасан нь бүр ч илүү олны таашаалд нийцэж байлаа.