Та гоёлоо хараахан бэлдэж амжаагүй байгаа бол “Монгол костюмс” төвийг зориорой. Үндэсний томоохон баяраар тухайн жилийн дээлний өнгө, загварыг тодорхойлдог тус төвийн уран гартнуудын урласан дээлний үзэсгэлэн худалдаа өнөөдөр, маргааш 10.00-19.00 цагийн хооронд үргэлжлэх юм байна. Цагаан сар дөхөөд ирэхээр хувцас, загварын салон гэлтгүй оёдолчид ч захиалгаа хаачихдаг учраас тэр бүр дээлээ захиалж хийлгэх боломж ховор байдаг. Тиймээс энэ жил “Монгол костюмс” төвийнхөн уламжлалт дээлний үзэсгэлэн худалдаагаа өрөгжүүлэн, сонголт арвинтайгаар хэрэглэгчдэдээ зориулан дэлгээд байгаа юм.