Ivanhoe Mines Европоос хөрөнгөө босгохоор ярьж байна | News.MN

Ivanhoe Mines Европоос хөрөнгөө босгохоор ярьж байна

Хуучирсан мэдээ: 2010.05.25-нд нийтлэгдсэн

Ivanhoe Mines Европоос хөрөнгөө босгохоор ярьж байна

Зургаан жил уйгагүй хөөцөлдсөний эцэст өнгөрсөн оны аравдугаар сард Оюутолгойн зэсийн ордыг ашиглах гэрээгээ Монгол Улсын Засгийн газартай үзэглэж чадсан “Айвенхоу Майнз” компани дэлхийн санхүүгийн зах зээлээс хөрөнгө босгож байна. Сүүлийн мэдээгээр Европын сэргээн босголт, хөгжлийн банк /ЕСБХБ/болон Олон улсын санхүүгийн корпорац /ОУСК/ хоёр хамтран нийтдээ 600 сая ам.долларын зээлийг Монгол дахь “Оюутолгой” төслийг санхүүжүүлэхэд зориулж “Айвенхоу Майнз” компанид олгох асуудлыг судалж эхлээд байгаа талаар олон улсын агентлагууд мэдээллээ.

Үүнээс гадна “Айвенхоу Майнз” компанитай гарын үсэг зуран солилцсон захидалдаа ЕСБХБ болон ОУСК нь “Б-зээллэг” бүтцийн хүрээнд 1.2 тэрбум ам.долларын санхүүжилт босгоход туслахаар тохиролцсон байна. Түүнчлэн өөр бусад зээл олгогч байгууллагууд “Айвенхоу Майнз”-д төслөө санхүүжүүлэхэд 500 хүртэл сая ам.долларын санхүүжилт олгох сонирхлуудаа  илэрхийлжээ.

“Айвенхоу Майнз” компанийн захирал Роберт Фридланд “Энэхүү санхүүжүүлэх багц дээр “Rio Tinto” болон бусад сангуудтай байгуулсан санхүүжилт, зээлийн тохиролцоонуудыг нэмэх юм бол бид Оюутолгой төслийн уурхайг байгуулах ажилд шаардлагатай санхүүжилтийн нэлээд хувийг бүрдүүлчихэж байна. Санхүүгийн чадавхитай томоохон зээлдэгчид бидэнтэй хамтран ажиллах сонирхлоо илэрхийлж байгаа нь бидэнд өөрсөд дээрээ болон хувьцаа эзэмшигчид дээрээ нэмэлт хүнд ачаа үүрүүлэлгүйгээр төслөө санхүүжүүлэх боломжтой болж байна” гэж ярьсан байна. ЕСБХБ, ОУВК хоёр дээр нэмээд өөр хоёр томоохон банктай гэрээ байгуулахаар “Айвенхоу Майнз” зорьж байгаа бөгөөд эдгээр зээлдэгчидтэй тохиролцсоны үндсэн дээр 2011 оны эхний улиралд багтаан санхүүжилтийн асуудлаа эцсийн байдлаар шийдэж чадна гэж үзэж байна.

ОУСК, ЕСБХБ хоёр Оюутолгой төслийн бичиг баримт, байгаль орчин, нийгмийн судалгаатай нарийн танилцах бөгөөд удирдах болон захирлуудын зөвлөлүүд нь санхүүжилтийн талаарх эцсийн шийд гаргах болно.

“Айвенхоу Майнз” компанийн боловсруулсан хөгжлийн цогц төлөвлөгөөгөөр Оюутолгой уурхайгаас анхны бүтээгдэхүүн гаргах хүртэл 4.6 тэрбум ам.долларын санхүүжилт шаардлагатай гэж тооцоолсон байна.

Уг төлөвлөгөөнд Оюутолгой ордоос олборлох эрдэсийн хэмжээг хоёр хувилбараар тооцоолсон бөгөөд бага хувилбарт нь тус ордоос 25.2 сая паунд зэсийн нөөцтэй гэж дурдсан бол нарийвлчлалтай олборлолтын хувилбараар тус ордоос 52.5 сая паунд зэс олборлоно. Бага хувилбараар тус ордоос 1.3 сая унци алт олборлоно гэж тооцоолж байгаа бол нарийвчлалтай хувилбараар 2.4 сая унци алт олборлоно гэж тооцоолж байна.

Австралийн “Rio Tinto” компани “Айвенхоу Майнз” компанийн 22.4 хувийг эзэмшдэг бөгөөд энэ хувиа цаашид 46.6 хувь хүртэл  нэмэгдүүлэх тохиролцоотой байгаа.

Өнөөдрийн байдлаар нэг паунд зэс олон улсын зэх зээл дээр 3.1140 ам.доллар байгаа бол нэг унци алт 1187.55 ам.доллар байна. Нэг паунд 453.59 граммтай тэнцдэг бол нэг унци  нь 31.103 граммтай тэнцдэг.

Мөн Оюутолгой төсөлд шинэ түншийг оролцуулж магадгүй хэмээн “Айвенхоу Майнз” компани мэдэгдлээ. “Айвенхоу Манйз” компанийн ТУЗ-ийн дэд дарга Питер Мередит саяхан Лондонд сэтгүүлчидтэй уулзахдаа “Төсөл дуусахаас өмнө дахин нэг оролцогчтой болохыг үгүйсгэхгүй” гэжээ. “Томчууд оролцох сонирхлоо илэрхийлж байсан, гэвч бидний хамтрагч Рио Тинтогийн хүслийг мөн харгалзах ёстой” гэж тэрбээр ярьжээ. “Айвенхоу Майнз” энэ оны нэгдүгээр сард хөрөнгө босгохоор зээл, хувьцаа болон актив худалдаалах зэрэг хувилбаруудыг судлуулахаар “Ситигрупп Инк”-ийг хөлсөлсөн юм. “Гэхдээ төслийн хяналтыг өөртөө үлдээх сонирхолтой”  хэмээн Мередит мэдэгдэж байна. “Хятадын талд төсөл илүү сонирхолтой байх болно” гэдгийг ч тэрбээр нэмж хэлжээ. “Бусад газартай харьцуулбал Монголд боломж байна. “China Investment Corp” юм уу өөр хэн нэгэн хөрөнгө оруулалтын боломж хайж байгаа бол тэнд хайхад буруудах юмгүй” гэж Мередит Лондоны сэтгүүлчдэд хэлэв.

Оюутолгойн 66 хувийг “Айвенхоу Майнз” эзэмшдэг ба үлдсэн хэсэг нь Монголын талынх. Эхний арван жил уурхай нь жилд 1,2 тэрбум фунт зэс, 650 000 унци алт үйлдвэрлэх ажээ. Үйлдвэрлэл 2013 онд эхлэх төлөвлөгөөтэй байна.
Бэлтгэсэн Т.Бадрах

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Iphone 2010-05-25 122.201.20.5

Iphone 3G 8GB Америкаас ирсэн шинэвтэр утас 500000 төгрөгөөр зарна
mongolhaanyahoocom

Avatar

chingis khan 2010-05-25 122.201.20.5

Би та нарт хэлж байсан биздээ Бурхан гуйж байсан ч газар нутгаа гадны хүнд битгий өг гэж Яаасан хүний үгэнд ордоггүй хүмүүс вэ

Avatar

hairhan mongol 2010-05-25 114.33.49.23

Ard tumeniig neeh olon say dollar helj bitgii tolgoig ni erguul Yamar ch money-s iluu baigal orchnii huvisal oorchloltoos bolj uls undesten suirdeg tuhai JARED DAIMOND-n COLLAPSE Suirel nom-g neg unshchihaad uls ornoo udirdah heregtei shuu Darga naraa Hedhen jiliin daraa MONGOL uls baihgui bolno gej bodohoos aidag hureh yum daa mongolchuudaa

Avatar

баагий 2010-05-25 182.160.63.147

айвенхауд оюу толгойг өгсөн УИХ-ын гишүүддээ баярлалаа орос хятадад өгсөн бол ёстой болохгүй байх байсан бидэнд их үр өгөөжөө өгөөд эхэлчихсэн байна цаашид ч улам ихээр мэдрэгдэх болно баярлалаа

Avatar

??????????? 2010-05-25 203.91.117.3

34-р хороололын үйлчилгээний төвүүдийн подвальд байрладаг золбин бохир заваан балиар жижиг диско баарнуудыг эхлээд яаралтай хаах хэрэгтэй байна байнга зодоон хулгай согтуу залуус дээрэм гэх мэт аль болохгүй зүйл тэнд л орой болгон давтагдаж байх юм

Avatar

P 2010-05-25 182.160.27.44

Бррр юу ч гэхэв дээ манайхан Айвенгогоос 34 хувиа өндөр хүүтэй зээлж л байдаг чааваас гэж тэгээд тэрийгээ гарын салаагаараа урсгаж л байдагямар гээчийн дампуу улсууд вэ дээ бид хурдан мөхөж сөнөвөл таарна

Avatar

hehe 2010-05-25 202.179.27.57

зэсийн нөөцийг шал буруу бичсэн бна фунт биш тонн шүү дээхэрэв 252 сая фунт гэвэл маш өчүүхэн нөөц бна ш дэээнэ чинь 10 гаран сая кг буюу 10 мянган тонн зэс ЭНЭ чинь ЭРДЭНЭТИЙН 10 НЫ нэгд хүрэхгүй бна ш дээ жаахан баримжаатай бай л одооны энэ тэнэг бацаанууд юу ч мэдэхгүй юм даа

Avatar

www.Freecall.mn 2010-05-25 202.170.67.217

Hizgaargui yarih erh chelee

Avatar

www.mixx.mn 2010-05-25 202.72.247.222

wwwmixxmn

Avatar

mgl 2010-05-25 202.170.72.146

Канад Австралиудыг оруулсан нь зөв болсонХэрэв Хятад Оросуудыг оруулсан бол бид юу ч авч долоохгүй

NewsMN Гар утасны хувилбар Татах
NEWS.mn

Мэдээллийн эх сурвалж