Нийслэлийн Соёл урлагийн газрын дарга Ц.Пүрэвхүү эрүүл мэндийн улмаас хүсэлт гаргасны дагуу энэ сарын 05-ны үүрэгт ажлаас нь чөлөөлж, үүргийг түр орлон гүйцэтгэгчээр Б.Батцэнгэл буюу реппер Quiza ажиллах болсон талаар бид мэдээлсэн.

Тэгвэл Нийслэлийн Засаг дарга захирамж гарган өнөөдрөөс эхлэн Нийслэлийн Соёл урлагийн газрын даргын ажиллах боллоо.

Quiza буюу Б.Батцэнгэл нь 1988-1998 онд Хан Уул Дүүргийн 52 дугаар дунд сургууль, 2000 онд БНЧУ-ын Карлын их сургуулийн  Чех хэлний анги, 2000-2004 онд БНЧУ-ын Метрополитан Их Сургуулийн Олон улсын худалдааны анги, 2004-2005 онд. ИБУИБНУ-ын Малвэрн Хаус Коллежид англи хэлний боловсрол тус тус эзэмшсэн юм байна. 2005-2013 онд Чөлөөт уран бүтээлч, 2009 оноос  “Жи Эн Беверэжис” ХХК-ийн Маркетингийн албанд зөвлөхөөр ажиллаж байжээ.