Баянхонгор аймгийн Засаг дарга Д.Жаргалсайхан үүрэгт ажилдаа улирагч оны 11 дүгээр сарын 29-ны өдөр батламжлагдсан юм. Ажлаа авснаас хойшхи 60 хоногийн хугацаанд 2012-2016 оны үйл ажиллагааны үндсэн чиглэлээ боловсрулж, аймгийн ИТХ-ын ээлжит бус 3-р хуралдаанаар батлуулсан байгаа. Түүнчлэн цаг үеийн нөхцөл байдлаас шалтгаалан өвөлжилт хүндэрсэн Эрдэнэцогт, Өлзийт, Шаргалжуут, Галуут зэрэг сумын багуудад очиж, ажил байдалтай газар дээр нь танилцаж ажилласан юм.

Мөн хангайн болон говийн бүсийн бүх сумдад ажлын хэсэг бүрдүүлэн тус бүр нэг удаа очиж, нийт 3000 гаруй иргэд, малчидтай уулзаж ярилцан, санал бодлыг нь сонслоо. Энэ үеэр Баян-Өндөр сумын малчин н.Сүхбат, Баянцагаан 4-р багийн малчин н.Гэндэндамба, 1-р багийн малчин н.Мөнгөнцэцэг нарын хөдөөгийн малчин гурван өрх айлаар очиж, ахуй амьдралтай нь танилцсан юм.

Аймгийн төв буюу Баянхонгор сумын нэг, хоёрдугаар багийн иргэдийн Иргэний танхимын хэлэлцүүлэгт оролцож, санал бодлоо солилцсон байна.

Түүнчлэн аймгийн УЦУОШТөв, ахмадын асаргааны “Буян” төв, Халамж үйлчилгээний хэлтэс, Барилгын цэргийн 339-р анги, “Номундалай”, “Номгон” сургуулиудын үйл ажиллагаатай танилцаж, ажилтан, алба хаагчидтай уулзаж санал бодлыг нь сонсжээ.