Нобелийн шагналт, Дээрхийн гэгээн ХIV Далай лам Данзанжамц Английн лигийн цомын аваргын төлөө тоглолтод “Брэдфорд Сити”-г дэмжиж буй ажээ. Английн дөрөвдүгээр дивизионы баг “Брэдфорд”-ийнхон аваргын төлөө Премьер лигийн хүчтэй багуудын нэг “Суонси”-той тоглох юм. “Даруухан” Брэдфордын багийн гайхалтай амжилтыг хөхиүлэн дэмжиж Далай лам тэдний өмсгөлийг энгэртээ тэврэн зургаа авахуулсан нь энэ. Мөн XIV далай лам гэдгийг нь бэлгэдэн 14 дугаартай өмсгөлөө “Брэдфорд”-ынхон бэлэглэсэн байна. “Брэдфорд” дөнгөж дөрөвдүгээр дивизионд тоглодог хэрнээ Английн лигийн цомын аваргын төлөө тоглох эрхийг гуядаж авснаар түүхэнд анхдагч нь болсон юм.

Далай ламын дэмжсэн баг Английн лигийн цомын аварга болж чадах эсэхийг хамтдаа харцгаая. Английн лигийн цомын аваргын төлөөх “Суонси”-“Брэдфорд”-ын тоглолт энэ сарын 24-нд алдарт “Уэмбли” стадионд болно.