Төрийн шагналт, “Болор цом”-ын эзэн яруу найрагч Д.Төрбатын 31 жилийн хугацаанд, 12 жилээр сэдэвлэн туурвисан “Тэнгэрийн соёрхол” ботийн нээлт энэ сарын 8-нд “Мөнхийн үсэг” компанийн байранд болно. Тэртээ 1980-аад онд Унгар улсад суралцаж байхдаа зохиолч Лодонгийн Түдэвийн бэлэглэсэн дэвтэр дээр анх бичиж эхэлсэн эл цуврал романыхаа эрхийг тэрээр “Мөнхийн үсэг” компанид худалдсан гэнэ. Харин түүний уг боть худалдаанд гарсан даруйдаа номын худалдааг тэргүүлж эхэлжээ.