Та зарим үед өөрийгөө хоёр болгоод хувилчихмаар санагддаг уу? Тэгвэл таны энэ хүсэл бараг биелэх боломжтой болжээ.

Double нэртэй робот нь дугуйтай, өндөр намаа өөрчлөх, зүүн баруун, урагш хойш явах чадвартай, таны хүссэн газар таныг орлон байж чадах бүтээгдэхүүн юм.

Уг роботын толгойн хэсэгт та iPad-аа холбоод app-ыг нь суулгаснаар хүссэн газраасаа удирдаж, хүссэн хүмүүстэйгээ харилцах юм.

Үүнийг сургууль танхимд онлайнаар хичээл заахад ашиглах, өндөр настай гэр бүлийнхээ гишүүнийг харж хандах зэрэг олон үйлдлээр ашиглаж болно хэмээн бүтээгчид онцолж байна.

Энэхүү роботыг 1999 ам.доллараар урьдчилан захиалах боломжтой ба энэ сарын сүүлээр 2499 ам.долларын үнэтэйгээр худалдаанд гарах аж.