Дэлхийн улс үндэстнүүдийг нягт холбодог, чөлөөтэй харилцахад тусладаг, танилын хүрээгээ өргөтгөх хялбар боломжийг олгодог “Facebook” өнөөдөр есөн нас хүрлээ. 2004 оны хоёрдугаар сарын  4-ний өдөр Марк Зукеберг хоёр найзтайгаа хамтран оюутны дотуур байрандаа өнөөдрийн энэхүү аварга сүлжээг нээж байсан түүхтэй. Харвардын их сургуулийн оюутнуудын дунд танил болсон энэ сайт Бостон, Станфордын их сургуулийн оюутнуудаар хүрээгээ тэлснээр өнөөдөр дэлхийн нийт интернэт хэрэглэгчдийн 40 гаруй хувийг эзлэх 800 сая хэрэглэгчдийг өөртөө татсан, мөн хандалтын тоогоороо Google сайтын дараагаар хоёрдугаарт бичигддэг болсон байна. Бидний өдөр тутмын хэрэглээ болсон, цагийг зугаатай өнгөрөөхөд тусладаг Facebook-дээ төрсөн өдрийн мэнд хүргэе!