“Walt Disney”-н бүтээл "Wreck-It Ralph” хүүхэлдэйн кино бүтээгчдийн хамгийн том наадам болох “Annie Awards”-ийн шилдэг бүтээлээр шалгарчээ. Өнгөрөгч оны аравдугаар сард нээлтээ хийсэн уг киног нэрт найруулагч Рич Мур найруулсан бөгөөд үзэгч, кино шүүмжлэгчдээс өндөр үнэлгээ авсан юм.

“Fix-it felix Jr” гэх тоглоомын эсрэг талын дүрээр гарах "Wreck-It Ralph”-ийн гол дүрийн баатар үргэлж муу талын баатар байхаас залхаж сайн тал болохоор шийдсэн тухай тус кинонд  өгүүлдэг. "Wreck-It Ralph”-аас гадна “Annie Awards”-ийн шилдэг бүтээлд "Brave," "Frankenweenie," "ParaNorman",  "Hotel Transylvania" кинонууд мөн нэр дэвшсэн байна. Харин телевизийн олон ангит "Robot Chicken" хүүхэлдэйн кино үзэгчдийн таашаалд нийцсэн шилдэг бүтээлээр шалгарсан аж.