Хошин урлагийн залуу болоод дунд үеийнхэн сар шинийн баярыг тохиолдуулан ахмад уран бүтээлчиддээ хүндэтгэл үзүүлжээ. “Маск” продакшны жүжигчин П.Эрдэнэзаан энэ талаар өнөөдөр твиттертээ жиргэн гэрэл зургийн хамт оруулсан юм. Хүндэтгэлийн арга хэмжээнд хошин урлагийн ахмад жүжигчин МУГЖ Б.Батзаяа, МУГЖ Чаминчулуун, МУГЖ Туяа, МУГЖ Д.Сосорбарам, Соёлын тэргүүний ажилтан Д.Бат-Өлзий гээд олон хүндтэй зочдоо найрын ширээний хойморт залжээ. Мөн уг хүндэтгэлийн арга хэмжээнд хошин урлагийнхан бүгдээрээ үндэсний дээл хувцасаараа гоёсон бөгөөд шинийн нэгний өдөр NTV телевизээр дээрх хүндэтгэлийн арга хэмжээг үзэж болох юм байна.