Дэлхийн дуу хөгжмийн ертөнцийн шилдгүүдийг тодруулдаг Грэмийн шагнал гардуулах ёслолын зохион байгуулагчид өчигдөр нэрт дуучин Фрэнк Оушен, алдарт рок хамтлаг “Maroon 5”, “The Black Keys”, тэргүүтэй хамтлагууд  энэ сарын 10-нд Лос-Анжелосын “Staples”-т болох тус наадмын хүндэт тайзнаа уран бүтээлээ хүргэх тухай албан ёсоор  зарлажээ.

Түүнчлэн Грэммийн 55 дахь шагнал гардуулах ёслолд дээрх нэр бүхий хамтлагуудаас гадна дуучин Алиша Кийз, Кети Перри, Кейт Урбан, Карли Рей Жепсен, Фэйт Хилл, каунтри дуучин Тим Макгро нар мөн ая дуугаа өргөх гэнэ. Харин энэхүү хүндтэй наадамд дуучин Фрэнк Оушен болон “The Black Keys"”, “Mumford & Sons” хамтлагууд хамгийн их номинаццид нэр дэвшиж байгаа юм байна. Энэ удаагийн шагнал гардуулах ёслолд нэр дэвшигчдийг өнгөрөгч оны арванхоёрдугаар сард зохион байгуулагчид  эцсийн байдлаар танилцуулсан билээ.