Монголын ардын язгуур урлагийн нэрийг Монголдоо төдийгүй гадаадад дуурсгаж яваа "Домог" хамтлагийн морин хуурч, Соёлын тэргүүний ажилтан Д.Шинэцог-Гени “Өнөмөнхлэй” хэмээх морин хуурын аялгуунаас бүрдсэн шинэ цомгоо өлгийдөн авчээ. Уг цомогт төгөлдөр хуурч, хөгжмийн зохиолч Б.Чинбат, Төрийн соёрхолт Б.Мөнхболд, хөгжмийн найруулагч Б.Алтанхуяг, Д.Мөнхзаяа нарын шилдэг хөгжмийн бүтээлүүд багтсан аж. 

Түүнчлэн шинэ цомогтоо орсон төрийн соёрхолт Б.Мөнхболдын "Галдан бошгот" симфони сьюитийн хэсгээс "Ану хатан" аялгууг болон төгөлдөр хуурч, хөгжмийн зохиолч Б.Чинбатын "Аравт" түүхэн уран сайхны киноны "Хөхтөмөр Өнөмөнхлэй" хэмээх аялгуунуудаа клипжүүлжээ. Тэрээр удахгүй шинэ цомгоо дэлхий даяар нэгэн зэрэг худалдаанд гаргах гэнэ.

Морин хуурч Д.Шинэцог-Генийн анхны цомог "Миний зүрхний аялгуу" хэмээх мэргэжлийн болон сонгодог хөгжмийн бүтээлүүдээс бүрдсэн байсан бөгөөд тус цомгоороо нэрийдсэн тоглолтоо ОХУ-ын Буриад улсын нийслэл Улан-Удэ хотод болон Монгол Улсын Филармоны тайзнаа үзэгчдэд толилуулж байсан билээ.

Морин хуурч Д.Шинэцог-Гени “Аравт” киноны хөгжим “Хөхтөмөр Өнөмөнхлэй” аялгуу


Морин хуурч Д.Шинэцог-Гени “Ану хатан” аялгуу