Өнгөрсөн сонгуульд амласан ёсоор Монгол Улсын Засгийн газар “Хүний хөгжил сан”-гаас олгох хувь хишиг хүртээх ажлын эхлэл болгон 70 мянган төгрөгийг энэ оны өнгөрсөн сарын 15-аас эхлэн 18-аас дээш насныханд олгох ажил орон даяар эхэлсэн билээ. Тэгвэл хамгийн сүүлд нэгтгэсэн тооцоогоор орон нутагт 1 сая 425 мянга 725 хүн, Улаанбаатарт 897 мянга 333 хүн хамрагдаад байгаа нь улсын хэмжээнд нийт 2 сая 323 мянга 058 иргэн буюу 86,7 хувь нь “Хүний хөгжил сан”-гаас олгож буй 70 мянган төгрөгийг хүртжээ. Тиймээс 70 мянгаа аваагүй иргэд үлдсэн хугацаанд ямар нэгэн оочер дараалалгүйгээр авах боломжтой гэж Нийгмийн хамгаалал хөдөлмөрийн яамны хэвлэлийн албанаас мэдээллээ.

Л.ХАЛИУ