Анхны хүүхдээ төрүүлж, ээж болоод удаагүй байгаа дуучин Адель хаа явсан газраа хайрт хүү Анжело Жеймс Конеккийг дагуулж явдаг аж. Хувийн амьдрал, ялангуяа хүүгийнхээ талаар их л нууцлаг байдаг Адель өчигдөр Беверли Хиллзээр ганцаараа явж байгаад папараццид өртжээ. Өдгөө 24 настай тэрээр Land Rover машинаа зогсоолд тавин чихэвч зүүн утсаар ярьж, нүүрэндээ ямар ч будаггүй явж байжээ.

Тэрээр өнгөрөгч оны аравдугаар сард хүүгээ төрүүлсэн, шинэхэн ээж гэдгийг түүний фэнүүд андахгүй биз ээ. Харин уран бүтээлийн хувьд ирэх хоёрдугаар сард болох Оскарын шагнал гардуулах ёслолд 50 жилийн түүхтэй алдарт Жеймс Бондын “Skyfall” дуугаараа нэр дэвшээд байгаа төдийгүй мөн хоёдугаар сарын 10-нд болох Грэммийн наадамд “Set Fire To The Rain” бүтээлээрээ шилдэн дуу номинацид нэр дэвшээд байгаа  юм.