Монголын зохиолчдын эвлэлээс залуу уран бүтээлчдийн дунд “Анхны ном” шилдэг бүтээлийн уралдаан зарлаж, шалгарсан бүтээлийг хэвлэдэг билээ. Энэ уралдаан нь утга зохиолын шинэ залуу үеийнхэнд дэмжлэг үзүүлэх, уран бүтээлийн чанарыг сайжруулах, шилдэг сайн бүтээлийг олон нийтэд танилцуулан сурталчлах зорилготой бөгөөд хүүхдийн, яруу найраг, үргэлжилсэн үгийн богино хэмжээний бүтээл, утга зохиолын судлал шүүмжийн бүтээл гэсэн дөрвөн төрлөөр бүтээлүүдийг хүлээн авч шалгаруулах ажээ. Мөн уралдаанд оролцох номын эх нь урьд өмнө хэвлэгдэж байгаагүй шинэ бүтээл байх ёстой.

“Анхны ном-2013” уралдаанд 30 хүртэлх  насны залуу уран бүтээлчид оролцож болох юм. Уралдаанд ирүүлэх бүтээлийг 2013 оны 02-р сарын 01-ээс 3-р сарын 01-ныг хүртэл МЗЭ-ийн 206 тоотод хүлээн авах юм байна. Мөн уран бүтээлчид 11-327964 дугаарын утсаар холбогдож, дэлгэрэнгүй мэдээлэл авч болох гэнэ.