Насанд хүрээгүй хүүхдүүд компьютер тоглоомонд донтож, энэ нь тэдний сэтгэцэд нөлөөлөх явдал ихэссэн тул интернэт тоглоомын газрын дүрэм, журамд өөрчлөлт оруулах ажлын хэсэг байгуулагджээ. Ажлын хэсгийн анхны хэлэлцүүлэг өнөөдөр Хууль зүйн үндэсний хүрээлэнгийн "Хуульчдын танхим"-д болж байна. Одоогийн байдлаар интернэт тоглоомын газруудад үйл ажиллагаа явуулах тусгай зөвшөөрөл олгож, хариуцдаг албан байгууллага байхгүйгээс энэ төрлийн бизнес өргөжихөд нөлөөлж байгаа асуудлыг Ажлын хэсгийнхэн онцолж байв. 

Хэлэлцүүлэгт Хууль зүйн яам, Нийслэлийн цагдаагийн газар, мэргэжлийн хяналтын газар, Засаг даргын тамгын газар, Онцгой байдлын газар зэрэг байгууллагын албан тушаалтнууд оролцож байна.