Хошин урлагийн “Х-Түц” продакшныхан үзэгчдэдээ шилдгийн шилдэг үзүүлбэрүүдээ түүвэрлэн үдэш бүр хүргэж байгаа билээ. Тэдний "Шилдгийн шилдэг" тоглолт энэ сарын 4-ээс эхлэн өдөр бүр 19.00 цагт тоглож эхэлсэн ч үзэгчдийн цуваа тасрахгүй байгаа юм.  Тиймээс "Х-Түц" продакшнийнхан үзэгчдийн хүсэлтээр Соёлын төв өргөөнд ирэх сарын 5-ыг дуустал шоу тоглолтоо толилуулах нь.

Тэдний шилдгийн шилдэг тоглолтод урилгаар хошин урлагийн “Шинэ-Үе” продакшны жүжигчин Бооёо, Г.Ундармаа, “Маск” продакшны М.Баярмагнай, Ж.Мөнхсайхан нар ч оролцож байгаа нь ийнхүү үзэгчдийн дахиулах бас нэгэн шалтгаан нь болсон гэнэ.

Саяхан Төрийн соёрхолт, жүжигчин Д.Соробарамтай хамтран Айн Рэндийн “Нэгдүгээр сарын 16-ны шөнө” сэтгэлгээний жүжгийг тайзнаа амилуулсан тэд ирэх сарын 9, 10-нд БНСУ-д ажиллаж, амьдарч байгаа нутаг нэгтнүүддээ  ”Шилдгийн шилдэг” тоглолтоо хүргэх юм.