Үдэш бүр “UBS” телевизээр гарч буй “Universe Best Songs-2010” фестивалийн ялагч тодроход цөөхөн хоног үлдлээ. Одоогоор шилдэг 25 оролцогч шалгараад байгаа бөгөөд тэд өнгөрсөн бямба гаригт шилдэг 25 оролцогчийн батламжаа гардаж авсан. Өөрийн гэсэн өвөрмөц дуу хоолой, гадаад стиль имижээрээ бусдаас ялгарч чадсан шилдэг 25 оролцогч нь ирэх зургадугаар сарын 4-нд гала тоглолтоо хийх юм. Оролцогч бүр дор бүрнээ хувийн бэлтгэлээ базааж байгаа бөгөөд нэвтрүүлгийн зохион байгуулагчдын зүгээс тэдэнд гэнэтийн шалгалтуудыг хийхээр төлөвлөжээ. Тэдний эхний шалгалт нь “Beatles”-ийн дууг хэн сайн дуулах вэ? гэх бяцхан уралдаан юм байна.

М.Дөл